ஒரு புல்லாங்குழல் - உனக்காக ஒரு ரோஜா

பாடல்: ஒரு புல்லாங்குழல்
திரைப்படம்: உனக்காக ஒரு ரோஜா
பாடியவர்: கே.ஜே.யேசுதாஸ்
இசை: டி.ஆர்.ராஜேந்தர்

ஒரு புல்லாங்குழல் ஊமையானது
ஒரு பூவின் மணம் காயமானது
ஒரு புல்லாங்குழல் ஊமையானது
ஒரு பூவின் மணம் காயமானது
வானில் தோன்றும் மின்னல் போல
வாழ்வில் கொண்ட காதல் கலைய
விதிதானே சதி செய்தது
இவள் மதிதானே தடுமாறுது
விதிதானே சதி செய்தது
இவள் மதிதானே தடுமாறுது

ஒரு புல்லாங்குழல் ஊமையானது
ஒரு பூவின் மணம் காயமானது

சேலை அணிந்த மாது சோலை என்னும் போது
அவன் தானே அவள் தேடும் காத்து
காத்து அவனை நினைத்து காத்துக்கிடந்த போது
போனானே வேறு சோலை பாத்து
இனிக்கின்ற வசந்தம் இழந்தாளே சொந்தம்
இனிக்கின்ற வசந்தம் இழந்தாளே சொந்தம்
கோலம் கலைந்த வாசல் இவள்
மேகம் சூழ்ந்த நிலவு இவள்

ஒரு புல்லாங்குழல் ஊமையானது
ஒரு பூவின் மணம் காயமானது

நீலம் சிந்தும் நயனம் நீரில் ஆடும் துயரம்
ஸ்ருதி மாற தவிக்கின்ற ராகம்
அவனை பாதை என்று நினைத்த பாவை பயணம்
வழி மாற தடுமாறும் பாதம்
எழில் கொஞ்சும் மாடம் ஏற்றாளே சோகம்
எழில் கொஞ்சும் மாடம் ஏற்றாளே சோகம்
வார்த்தை தொலைந்த கவிதை இவள்
வாழ்க்கை குலைந்த பேதை இவள்

ஒரு புல்லாங்குழல் ஊமையானது
ஒரு பூவின் மணம் காயமானது
வானில் தோன்றும் மின்னல் போல
வாழ்வில் கொண்ட காதல் கலைய
விதிதானே சதி செய்தது
இவள் மதிதானே தடுமாறுது
ஒரு புல்லாங்குழல் ஊமையானது
ஒரு பூவின் மணம் காயமானது